Norðanillviðri í nóvember 2012

Illviðri og vonskuveður gekk yfir landið föstudaginn 2. nóvember 2012. 

Hér eru myndir sem birtust á ýmsum miðlum, af áhrifum veðursins á gróður.

Sjór gengur yfir Sæbraut - Mynd: Pjetur

Skúrþak fokið við Vallarengi (nálægt Vættaskóla í Grafarvogi)
- Mynd: Hjörtur

Tré svigna í Mosfellsbæ - Mynd: Anna Kristín Pálsdóttir

Tré við Laufásveg - Mynd: Brjánn Fransson

Tré við Miðstræti - Mynd: Páll V. Bjarnason

Tré við Miðstræti, annað sjónarhorn - Mynd: Páll V. Bjarnason

Tré á Kirkjubæjarklaustri - mynd af ruv.is

Tré í Mosfellsbæ - Mynd: Vignir Kristjánsson

Sitkagreni við hlið Sigurðar G. Tómassonar útvarpsmanns,
á Sveinseyri í Mosfellssveit - Mynd: GVA/Vísir

Fjallaþinur við Melgerði (tré mánaðarins hjá SR feb. 2009) -
Mynd: Egill Baldursson.

Fleiri myndir frá Sveinseyri.

---

Innlent | Morgunblaðið | 3.11.2012 | 5:30 | Uppfært 7:11

Rokið á við fellibyl

Í kalda kvikar alda. mbl.is/RAX

Meðalvindstyrkurinn á stöðum þar sem hann mældist hvað mestur í storminum í gær jafnaðist á við fyrsta stigs fellibyl.


Á Geldinganesi mældist meðalvindhraði á bilinu 31-38 metrar á sekúndu en vindhraði 1. stigs fellibylja er 33-42 m/s. Nokkrar veðurathugunarstöðvar mældu vindahraða af þessu tagi í gær.


Að sögn Óla Þórs Árnasonar, veðurfræðings á Veðurstofunni, er erfitt að bera saman fellibylji og þær lægðir sem gangi yfir hér á landi. Þær myndist á ólíkan hátt og mun meiri úrkoma fylgi fellibyljum. Sé aðeins litið til vindstyrksins hafi ástandið hér verið sambærilegt við fellibyl.

Í Morgunblaðinu í dag segir, að stormurinn sem geisað hefur á landinu sé óvenjulegur fyrir þær sakir hversu langlífur hann er með miklum vindhraða og sömu vindátt.

---

Óblíð veðrátta

Landgræðsla ríkisins - land.is - mánudagur, 05. nóvember 2012 14:09

Nú er gengið um garð annað illviðrið á þessu hausti, um mánuði á eftir óveðrinu í fyrri hluta september. Í báðum tilvikum komu ofsa stormar á auða jörð sunnanlands, en snjór varði jörð á norður- og norðausturlandi. Þessum stormum fylgdi mikill uppblástur og moldrok og lítt gróið land og rofsvæði fóru mjög illa í þessum veðrum, bæði á láglendi og á afréttum.

Gera verður ráð fyrir að mikið tjón hafi orðið á nýgræðingi sem hefur verið að nema land á auðnum á afréttunum á síðustu árum, þó ekki hafi gefist ráðrúm til að meta skemmdirnar. Sömu sögu er að segja af nýsáningum á rofsvæðum, þar er líklegt að mikil eyðilegging hafi orðið. Ástæða er til að ætla að versta gróðureyðingin á láglendi hafi orðið í Eldhrauni í Skaftárhreppi, en þar hefur verið mikill uppblástur vegna sandburðar frá Skaftá á liðnum áratugum. Mikið öskufok var einnig í Fljótshverfi í Skaftárhreppi, Austur Eyjafjöllum og innanverðri Fljótshlíð.
[...]

---

Ein mynd í viðbót hér.